सडक दुर्घटनामा युवकको मृत्यु

काठमाडाैं, पुस ७ : पूर्व-पश्चिम राजमार्गअन्तर्गत झापाको दमक नगरपालिका-४ मा सवारी दुर्घटना हुँदा एक युवकको मृत्यु भएको छ।

मृत्यु हुनेमा  कमल गाँउपालिका-५ का २१ वर्षीय निर्मल खवास रहेको जिल्ला प्रहरी कार्यालयले जनाएको छ। प्रहरी अनुसार गएराति बा३ख ८६२७ नम्बरको सवारी साधनबाट निस्किने क्रममा झरेर घाइते भएका खवासलाई उपचारका लागि विराटनगरस्थित नोबेल शिक्षण अस्पताल पुर्‍याइएको र उपचारका क्रममा राति नै मृत्यु भएको थियो। 

प्रहरीले सवारी चालक धनकुटा नगरपालिका-१० का २७ वर्षीय प्रेम कार्कीलाई नियन्त्रणमा लिई थप अनुसन्धान गरिरहेको जनाएको छ।