बुधबार ललितपुर महानगरले कोरोना संक्रमितलाई राहत रकम दिने

काठमाडौं, पुस ६ : ललितपुर महानगरपालिकाले बुधबार कोरोना संक्रमित विरामीहरूलाई उपचारका लागि राहत रकम दिने भएको छ।

महानगरपालिकाले मंगलबार सूचना जारी गर्दै पहिलो चरणको राहत रकम प्रदान गर्ने बताएको हो । महानगरपालिकाले ‘कोरोना संक्रमित विरामीहरूलाई प्रदान गरिने उपचार तथा राहत सहयोग निर्देशिका,२०७८’ बमोजिम राहत प्रदान गर्ने जनाएको छ।

सूचनाअनुसार बिहान ११ बजेदेखि ३ बजेसम्म वितरण हुनेछ । राहत रकमका लागि संक्रमित विरामीहरूले परिचय खुल्ने कागजातपत्र बुझाउनुपर्ने महानगरले जनाएको छ ।