न्यायालयको मामिलामा काँग्रेसले कुनै हस्तक्षेप गर्दैन : नेता पौडेल

काठमाडौं, कात्तिक ९ : सत्तारुढ दल नेपाली काँग्रेसका वरिष्ठ नेता रामचन्द्र पौडेलले न्यायालयको मामिलामा काँग्रेसले कुनै हस्तक्षेप नगर्ने बताएका छन् ।

मंगलबार सिंहदरबारमा भएको काँग्रेस पदाधिकारी बैठकपछि सञ्चारकर्मीहरुसँगको कुराकानीमा वरिष्ठ नेता पौडेलले न्यायालयको मामिलामा काँग्रेसले हस्तक्षेप नगर्ने प्रष्ट पारेका हुन् ।

न्यायालयमा असहज परिस्थिति बनेको उनको भनाइ थियो । वरिष्ठ नेता पौडेलले भने, ‘प्रधानन्यायाधीशको बारेमा हामीलाई चिन्ता छ, न्यायालयमा असहज परिस्थिती बनेको छ, न्यायालयको आन्तरिक मामिलामा ज्यादै कमेन्ट त गर्दैनौं, हस्तक्षेप गर्न चाहेको होइन ।’