रियल मड्रिडले हाजार्डलाई दियो ७ नम्बर जर्सी

काठमाडौं, साउन २५ : रियल मड्रिडले बेल्जियमका स्टार खेलाडी इडेन हाजार्डलाई ७ नम्बर जर्सी दिने भएको छ। 

चेल्सीबाट यसै सिजन रियल मड्रिडमा आएका हाजार्डलाई अन्ततः ७ नम्बर जर्सी दिइने भएको हो। क्रिष्टियानो रोनाल्डोले मड्रिडमा हुँदा लगाउँदै आएको ७ नम्बर जर्सी उनले छोडेपछि मारियानो डायजलाई दिइएको थियो। 

तर, मारियानोले लगाउँदै आएको ७ नम्बर जर्सी हाजार्डलाई दिएको हो। हाजार्डले चेल्सीमा रहँदा १० नम्बर जर्सी लगाउँदै आएका थिए। रियल मड्रिडका लुका मोड्रिचले १० नम्बर जर्सी छोड्न नमानेपछि हाजार्डलाई ७ नम्बर जर्सी दिने निर्णय क्लबले गरेको हो। 

जर्सी नम्बर टुंगो नलाग्दा प्रिसिजनका खेलमा हाजार्डले ५० नम्बर जर्सी लगाएर खेलेका थिए। हाजार्ड कीर्तिमानी रकममा यो सिजन चेल्सीबाट रियल मड्रिड आएका हुन्।