प्रहरीद्वारा ३३ सयलाई मास्क वितरण
पछिल्लो २४ घण्टामा प्रहरीले मास्क नलगाई हिँडेका तीन हजार दुई सय ९४ जनालाई मास्क वितरण गरेको छ।
काठमाडौं, भदौ २२ : पछिल्लो २४ घण्टामा प्रहरीले मास्क नलगाई हिँडेका तीन हजार दुई सय ९४ जनालाई मास्क वितरण गरेको छ ।
कोरोना प्रसार रोकथाम अभियानअन्तर्गत देशभर प्रहरीले मास्क वितरण गरिरहेको छ । अभियानअन्तर्गत ६ वैशाखदेखि हालसम्म ११ लाख पाँच हजार ६ सय १६ जनालाई निःशुल्क मास्क वितरण गरिएको छ ।
यस्तै, कोभिड–१९ रोकथाम तथा नियन्त्रणका लागि स्थानीय प्रशासनद्वारा जारी निषेधाज्ञा उल्लंघन गर्ने २२ जनाबाट दुई हजार दुई सय रुपैयाँ जरिवाना उठाइएको प्रहरीले जनाएको छ । स्वास्थ्य मापदण्ड उल्लंघन गर्ने सात सय ८९ जनालाई सम्झाइबुझाइ छाडिएको छ ।
प्रकाशित मिति: १७:२७ बजे, मंगलबार, भदौ २२, २०७८
प्रतिक्रिया दिनुहोस्
थप समाचार
