यस्तो देखियो शुक्रबार बिहानको वर्षात् (१० तस्बिर)

काठमाडौं, भदौ १८ : सरकारी कर्मचारी कार्यालय पुगिसकेका थिए । निजीक्षेत्रमा कार्यरत कर्मचारीहरू भने कार्यालय पुग्दै थिए । त्यही समयमा शुक्रबार बिहान झमझम परेको पानीले ‘डिस्टर्ब’ गर्‍यो ।

भनाइ नै छ, भदौरे झरी । त्यही भदौरे झरीको निरन्तरता थियो, शुक्रबारको वर्षात् । यस वर्षको मनसुुन सकिन एक महिना बाँकी छ, तर औसतभन्दा धेरै वर्षा भइसकेको छ । गत जेठ २८ देखि असोज तेस्रो सातासम्म रहने मनसुुनमा औसतभन्दा बढी वर्षा भइसकेको छ ।

जिल्लाअनुुसार औसत वर्षा फरक फरक हुन्छ । काठमाडौंमा मनसुन अवधिमा एक हजार एक सय मिलिमिटर वर्षा औसत मानिन्छ । तर, मनसुुन सकिन लाग्दा नै औसत वर्षा भइसकेको छ । 

अहिलेसम्म एक हजार ५० मिलिमिटरभन्दा बढी वर्षा भइसकेको मौसम पूूर्वानुुमान महाशाखाको भनाइ छ । 

जुुन १३ देखि अक्टोबरसम्म मनसुुन अवधि मानिन्छ । मनसुुन सुरु हुुनुुभन्दा अगाडि हुुने प्रि-मनसुुनमा पनि औसतभन्दा बढी वर्षा भयो । मनसुुन सुरु हुुनुुभन्दा अगाडिको महिनालाई प्रि-मनसुुन भनिन्छ ।

प्रि-मनसुुनमा न्यूनतम ७० प्रतिशत पानी परेको छ । सबैभन्दा कम पानी पर्ने ताप्लेजुुङमा दुुई सय ८० मिलिमिटर वर्षा भएको छ । सबैभन्दा बढी भैरहवामा चार सय ५० मिलिमिटर वर्षा भएको छ । 

भदौ पहिलो सातादेखि लगातार एक सातासम्म रहने मनसुन निरन्तर भएन । रोकिँदै फेरि वर्षा हुुँदै गयो । निरन्तर वर्षा हुुनुलाई सक्रिय वर्षा भनिन्छ, जुुन निरन्तर नरोकिई भइरहन्छ ।