बिग बोस सिजन १३ का विजेता सिद्धार्थ शुक्लाको निधन

मुम्बई, भदौ १७ :  बिग बोसको १३ औं संस्करणका विजेता सिद्धार्थ शुक्लाको निधन भएको छ। 

हृदयाघातका कारण उनको निधन भएको बलिउड हंगामाका ले जनाएको छ । ४० वर्षका उनको कुपर अस्पतालमा निधन भएको समाचारमा उल्लेख छ।

बलिउड फिल्म ‘हम्टि शर्माकी दुल्हनियाँ’ र ‘बालिका बधु’ सिरियलबाट चर्चामा रहेका सिद्धार्थ बिग बोसको विजेता बनेपछि लोकप्रियता बढेको थियो।

केही समयअघि मात्र उनको ‘ब्रोकन बट ब्युटीफुल’ अल्ट बालाजीबाट रिलिज भएको थियो।