सिन्धुलीमा जिप दुर्घटना हुँदा दुईजना घाइते

सिन्धुली, भदौ १३ : सिन्धुलीस्थित बीपी राजमार्गमा जिप दुर्घटना हुँदा दुई जना घाइते भएका छन्।

उक्त जिप आज (आइतबार) कमलामाई नगरपालिका-२ को पिपलभन्ज्याङमा दुर्घटना भएको प्रहरीले जनाएको छ। चालकसहित प्राविधिक गम्भीर घाइते भएका छन् ।

विद्युतका सामग्री बोकेर घ्याङलेखतर्फ जाँदै गरेको प्रदेश ३-०१-००१ञ २५५५ नम्बरको जिप दुर्घटना हुँदा चालक प्रमेश्वर सुनुवार र प्राधिकरणका कर्मचारी राजीव लामा घाइते भएको सिन्धुली प्रहरीले जनाएको छ।

घाइते दुवैको अवस्था गम्भीर रहेको जनाइएको छ। सिन्धुली अस्पतालमा प्राथमिक उपचारपछि दुवैलाई काठमाडौं लगिएको जिल्ला प्रहरी कार्यालय सिन्धुलीले जनाएको छ।