मृत अवस्थामा दुईजना फेला

काठमाडौं, भदौ ६ : नवलपरासी (पूर्व) र रुपन्देहीमा एकएकजना मृत अवस्थामा भेटिएका छन्।

नवलपरासी (पूर्व) को मध्यबिन्दु नगरपालिका-१४ रातामाटेस्थित अरुणखोलाको बगरमा हाल नाम, थर, वतन नखुलेकी अन्दाजी  ४० वर्षीय महिलाको शव शनिबार साँझ फेला परेको प्रहरीले जनाएको छ। 

त्यस्तै रुपन्देहीको शुद्धोधन गाउँपालिका-२ तल्लो खैरेनी बस्ने ५० वर्षीय त्रिपाल लोध सोही ठाउँस्थित चप्पर खोलामा शनिबार राति मृत अवस्थामा फेला परेका छन्। 

यी दुवै घटनाबारे प्रहरीले अनुसन्धान गरिरहेको जनाइएको छ।