धनुषामा करेन्ट लागेर २ जनाको मृत्यु, चट्याङ लागेर एकको मृत्यु 

काठमाडौं, साउन २७ : धनुषाको क्षिरेश्वरनाथ नगरपालिका ३ पर्सा पकडिया बस्ने बुलन यादवको घरमा भजन किर्तन गर्ने क्रममा माईकमा करेन्ट लागेर २ जनाको मंगलबार साँझ मृत्यु भएको छ ।

मृत्यु हुनेहरुमा लक्ष्मिनिया गाउँपालिका २ बस्ने ७० वर्षीय मणिराम यादव र सोही गाउँपालिका १ बस्ने ६० वर्षीय बिन्दे दास रहेका छन् । करेन्ट लागेर गम्भीर घाइते भएका उनीहरुलाई उपचारका लागि अस्पतालतर्फ लैजाने क्रममा बाटोमै मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।

यस्तै, धनुषाकै मुखिया पट्टी मुसहरनिया गाउँपालिका ३ तुल्सियाही बस्ने ५५ वर्षीय सत्य नरायन साफीको खेतमा काम गर्ने क्रममा चट्याङ लागेर मंगलबार दिउँसो घटनास्थलमै मृत्यु भएको हो ।