सुनको सिक्री लुटेर भाग्दै गर्दा एकजना पक्राउ 

काठमाडौं, साउन २५ : सुनको सिक्री लुटेर भाग्दै गर्दा काठमाडौंको बुढानिलकण्ठमा एकजना पक्राउ परेका छन्।
 
काठमाडौंको बुढानिलकण्ठ नगरपालिका-१० कपन आकाशेधारा डेरा गरी बस्ने सानु बस्नेतको सुनको सिक्री लुटपाट गरी भाग्दै गरेको अवस्थामा गोकर्णेश्वर आरुवारी बस्ने सिन्धुपाल्चोक भोटेकोशी नगरपालिका-२ तातोपानी घर भएका २२ वर्षीय अन्जित सुवेदी आइतबार दिउँसो पक्राउ परेको प्रहरीले जनाएको छ। 

सानुले आफू बस्ने घरको गेट बन्द गर्ने क्रममा घाँटीमा लगाएको करिब २ तोलाको सुनको सिक्री लुटपाट गरी भाग्दै गरेको अवस्थामा महानगरीय प्रहरी प्रभाग कपनबाट खटिएको प्रहरीले स्थानीयको सहयोगमा अन्जितलाई पक्राउ गरेको जनाइएको छ।