एसईईको नतिजा प्रकाशित

काठमाडौं, साउन २३ :  ०७७ सालको माध्यमिक शिक्षा परीक्षा-कक्षा १० (एसईई)को नतिजा प्रकाशित भएको छ। राष्ट्रिय परीक्षा बोर्डले शनिबार अपराह्न नतिजा प्रकाशन गरेको हो।

कोभिड-१९ महामारीका कारण एसईई परीक्षा सञ्चालन हुन सकेको थिएन। सोही कारण विद्यालयको आन्तरिक मूल्यांकनका आधारमा नतिजा प्रकाशित गरिएको हो।

बोर्डका अनुसार एसईईको नतिजा बोर्डको वेबसाइट, एसएमएस र आईभीआरबाट हेर्न सकिने छ ।