गठबन्धन कार्यदलले शीर्ष नेताहरूलाई हस्तान्तरण गर्‍यो न्यूनतम साझा कार्यक्रम

काठमाडौं, साउन २२ : सत्तारुढ गठबन्धनले गठन गरेको कार्यदलले आफ्नो प्रतिवेदन शुक्रबार शीर्ष नेताहरूलाई हस्तान्तरण गरेको छ ।

कार्यदलमा कांग्रेस, माओवादी केन्द्र, जसपा र राष्ट्रिय जनमोर्चाका नेताहरू सदस्य छन् ।

कार्यदलले प्रधानमन्त्री निवास, बालुवाटारमा शुक्रबार शीर्ष नेताहरूलाई प्रतिवेदन हस्तान्तरण गरेको हो ।

प्रतिवेदनलाई ‘संयुक्त सरकारको साझा न्यूनतम कार्यक्रम तथा सरकार सञ्चालनको कार्यविधि र आचारसंहिता’ नाम दिइएको छ ।