ईकमर्सको कामलाई नरोक्न सर्वोच्चको आदेश

काठमाडौं, जेठ २४ : सर्वोच्चको अदालतले अनलाइन माध्यमबाट खरिद, बिक्री तथा होम डेलिभरीको सेवा दिने ईकमर्सको कामलाई नरोक्न आदेश दिएको छ।

सोमबार न्यायाधीश सपना मल्ल र कुमार चुँडालको संयुक्त इजलासले मुद्दाको अन्तिम किनारा नलागेसम्मका लागि सेवा प्रदान गर्ने काम नरोक्न आदेश जारी गरेको हो।

निवेदकका तर्फबाट उपस्थित अधिवक्ताहरु सुभाष पाठक, आवेश अधिकारी, सागर पौडेल, कृष्ण पाल र रक्षा सिंह तथा विपक्षीतर्फबाट उपस्थित सहन्यायाधिवक्ता संजीवराज रेग्मीले बहस गरेका थिए ।