एकैदिन ९८४१ संक्रमणमुक्त, ६९५१ लाई कोरोना

काठमाडौं, जेठ  १४ :पछिल्लो २४ घण्टामा ९८४१ जना कोरोना भाइरस संक्रमणमुक्त भएका छन् । याे संख्या संक्रमणमुक्त हुने  अहिलेसम्मकै धेरै हो।

पछिल्लो २४ घण्टामा कोरोना संक्रमणबाट ९६ जनाको मृत्यु भएको छ र ६९५१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । 

१९ हजार ३१३ पीसीआर परीक्षणमा ६८५५ र ७९७ एन्टिजेन परीक्षणमा ९६ जना गरी ६९५१ जनामा संक्रमण पुष्टि भएको हो । योसँगै नेपालमा कोरोना संक्रमितको कुल संख्या ५ लाख ४९ हजार १११ पुगेको छ ।

सक्रिय संक्रमितको संख्या १ लाख १३ हजार ३९४ मा झरेको छ।