गण्डकी प्रदेशसभा अधिवेशन जेठ १६ मा बोलाउन सिफारिस

पोखरा, जेठ ११ : गण्डकी प्रदेश प्रमुख सीताकुमारी पौडेलसमक्ष गण्डकी प्रदेशसभाको अधिवेशन आह्वानका लागि सिफारिस गरिएको छ।

गण्डकी प्रदेशको आज (मंगलबार) बसेको मन्त्रिपरिषद्ले जेठ १६ गते दिउँसो १ बजे सभागृह हलमा अधिवेशन बोलाउन आज (मंगलबार) सिफारिस गरेको हो।

गण्डकी प्रद्शसभाको सातौं अधिवेशन चैत २५ बाट सुरु भएर वैशाख २ गते अन्त्य भएको थियो। आगामी असार १ गते भित्र प्रदेश सरकारले बजेट ल्याउनुपर्ने संवैधानिक प्रावधान छ ।

त्यस्ते गण्डकी प्रदेशका मुख्यमन्त्री पृथ्वीसुब्बा गुरुङले पनि जेठ २८ भित्र विश्वासको मत लिनुपर्छ। त्यसैका लागि अधिवेशन आह्वानका लागि सिफरिस गरिएको बताइएको छ।