गायक तथा अभिनेता प्रशान्त तामाङलाई मातृशोक

काठमाडौं, वैशाख १४ : गायक तथा अभिनेता प्रशान्त तामाङलाई मातृशोक परेको छ। उनकी आमा रूपा तामाङको दार्जिलिङको एक अस्पतालमा उपचारको क्रममा निधन भएको हो।

प्रशान्तले आमाको निधन भएको सामाजिक सञ्जालबाट जानकारी दिएका छन् । ‘एउटी आमा गुमाउनु भनेको एक क्षणमा हुँदैन, जे भयो त्यसको प्रभावलाई बुझ्न वर्षौं लाग्छ। हार्दिक श्रद्धाञ्जली मेरो सबैभन्दा प्यारो आमा । आई लभ यू,’ उनले फेसबुकमा लेखेका छन्।

ईण्डियन आइडल २००७’ का विजयी प्रशान्तले नारायण रायमाझीको निर्देशनमा बनेको चलचित्र ‘गोर्खा पल्टन’बाट नेपाली चलचित्रमा डेब्यू गरेका थिए । 

गत वर्ष फिल्म ‘परदेशी २’ को छायांकन सकेर दार्जिलिङ फर्किएका प्रशान्तले नेपाल बसाईको क्रममा ‘आगो पिएर बाँच्ने’ गीत रेकर्ड गराएका थिए ।

‘