‘द भ्वाइस अफ नेपाल ३’ शुक्रबारदेखि 

काठमाडौं, चैत ५ : नेपाली गायन रियालिटी शो ‘द भ्वाइस अफ नेपाल’ शुक्रबारदेखि सुरु हुने भएको छ। 

यो सिजनको कार्यक्रममा सहभागी हुन ४० हजार आवेदक डिजिटल अडिसनमा आवद्ध भएका थिए। जसमध्ये १ सय २० जना प्रतिस्पर्धीहरुले शोको ‘ब्लाइन्ड अडिसन’ मा सहभागी हुने मौका पाएका छन्। हरेक कोचबाट छानिएर आएका  १२ जना प्रतिस्पर्धीहरुले ब्याटल राउण्डमा आफ्नो प्रतिभा देखाउन पाउनेछन्। 

कार्यक्रमका निर्देशक लक्ष्मण पौडेलले शुक्रबार र शनिबार हिमालय टेलिभिजनमार्फत शो प्रसारण हुने बताएका छन्।  यसपटक कार्यक्रममा आस्था राउतको ठाउँमा अर्की चर्चित गायिका तृष्णा गुरुङ प्रवेश गरेकी छिन्। अन्य कोचहरुमा प्रदिप श्रेष्ठ, राजु लामा र प्रमोद खरेलले निरन्तरता दिनेछन्।