भोमनको निर्देशनमा ‘ए’ 

काठमाडौं,चैत ३ : भोमन कटुवालको निर्देशनमा चलचित्र ‘ए’ को छायाँकन सुरु भएको छ ।

विलभ्ड इन्टरटेन्मेन्ट प्रालिको ब्यानरमा निर्माण हुन लागेको सस्पेन्स् र थ्रिलर चलचित्र ‘ए’ को शुभमुर्हत गरेर छायाँकन सुरु भएको हाे। 

आज विहान कलाकार रवि गिरीले मुर्हत टेक दिएर सुरु भएको चलचित्रको छायाँकन भने काठमाडौं, बनेपा र सागाँमा हुने निर्माण टिमले जानकारी दिएको छ । 

यस चलचित्रको मुख्य भुमिकामा प्रमोद अग्रहरी, सोहित मानन्धर, छुल्ठिम गुरुङ्ग, रिस्ता बस्नेत र रवि गिरी रहेका छन् ।

यो चलचित्रमा पटकथा तथा संवाद भोमन कटुवाल र आकाश उखेडाको रहेको छ । चलचित्रको छायाँकंन मोहन कुमार झिल्लुले गर्ने भएका हुन् भने सम्पादन अनिल कुमार महर्जनको रहेको छ ।  

चलचित्रमा प्रलाद काफ्लेको लगानी रहेको छ ।