आजदेखि विश्वकप, पहिलो खेलमा इग्ल्यान्ड र दक्षिण अफ्रिका भिड्दै

काठमाडौं, जेठ १६ : आईसीसी विश्वकप क्रिकेट प्रतियोगिता आजदेखि सुरू हुँदै छ। पहिलो खेलमा आयोजक इग्ल्यान्ड र दक्षिण अफ्रिका भिड्दै छन्।

विश्वकपको १२औं संस्करण आजदेखि सुरू हुन लागेको हो। इग्ल्यान्ड र वेल्समा आयोजना हुने खेल डेढ महिना चल्नेछ। आज मे ३० मा पहिलो खेल हुने छ भने फाइनल खेल जुन १४ मा हुनेछ।

यसपटकको विश्वकपमा सहभागी टोलीको संख्या घटाएको छ। यसमा १० टिम प्रतिस्पर्धा गर्नेछन्।

जसमा अफ्गानिस्तान, अस्ट्रेलिया, बंगलादेश, इग्ल्यान्ड, भारत, न्यूजिल्यान्ड, पाकिस्तान, दक्षिण अफ्रिका, श्रीलंका र वेस्ट इन्डिज प्रतिस्पर्धा गर्दै छन्।

राउन्ड रोविन र नट आउट चरणमा हुने प्रतियोगितामा ४८ खेल हुनेछन्।

आज दिउसो ३ः१३ बजे लन्डनमा पहिलो खेल हुँदै छ। आयोजक इग्ल्यान्डको नेतृत्वमा इयोन मोर्गनले गर्ने छन भने दक्षिण अफ्रिकाको नेतृत्व फाफ डुप्लेसीले गर्नेछन्।