चलचित्र ‘गोर्खे’ फागुन २१ देखि देशैभर प्रदर्शन
चलचित्र ‘गोर्खे’ यही फागुन २१ बाट देशैभर प्रदर्शनमा आउने भएको छ।
काठमाडाैं, माघ २० : चलचित्र ‘गोर्खे’ यही फागुन २१ बाट देशैभर प्रदर्शनमा आउने भएको छ। फागुनबाट दर्शक हलसम्म पुग्ने माहोल हुने भएर नै चलचित्र ‘गोर्खे ’ फागुन २१ गतेबाट प्रदर्शनमा आउन लागेको वितरक कारण श्रेष्ठ क्रेजीले बताए ।
चलचित्रको पोस्टर सार्वजनिक गरिएको छ । पोस्टरमा चलचित्रका मुख्य कलाकारहरुलाई फिचर गरिएको छ ।
गोर्खेलाई किम्मत गौतमले निर्देशन गरेका हुन् । गोर्खे बन्ने सपना बोकेका ५ युवालाई सिनेमामा देख्न पाइने निर्माता हरि थापाको भनाइ छ । चलचित्रमा रवीन्द्र प्रताप सेन, अन्जली अधिकारी, अर्जुन गुरुङ, आश्मी लामा, आश्मी श्रेष्ठ, एन्जेल श्रेष्ठ ,बाल्दिप राईलगायतको मुख्य भूमिका छ ।
सौरभ लामा र निरज कँडेलले खिचेको यस सिनेमाको कथा भने काजी लिम्बुले लेखेका हुन। छिन्दु पाख्रिन र हरि लम्सालको संगीत रहेको छ । चलचित्रलाई मित्र डी गुरुङले सम्पादन गरेका हुन् ।
