तनहुँको आबुखैरेनीमा बस दुर्घटना, १७ जना घाइते

काठमाडौं, मंसिर ११ : तनहुँको आबुखैरेनीमा बस दुर्घटना भएको छ। बेनीबाट भैरहवातर्फ जाँदै गरेको बस दुर्घटना हुँदा १७ जना घाइते भएका छन्।

लु २ ख ८८३ नम्बरको बस बिहीबार दिउँसो आबुखैरेनी गाउँपालिका ३ खहरेस्थित पृथ्वी राजमार्गमा दुर्घटना भएको हो। बस पुलबाट अन्दाजी ५ सय मिटर तल खसेको छ। 

तनहुँ प्रहरीका अनुसार विपरीत दिशातर्फ जाँदै गरेको ना ३२ प ५२५४ नम्बरको स्कुटरलाई बसको पछाडिको भागले ठक्कर दिँदा दुर्घटना भएको हो।