कर्णाली प्रदेशमा थप ६३ जनामा कोरोना पुष्टि, ७० जना डिस्चार्ज

काठमाडौं, मंसिर ४ : कर्णाली प्रदेशमा गत २४ घण्टामा थप ६३ जनामा कोरोना संक्रमण पुष्टि भएको छ।

संक्रमितमध्ये सुर्खेतका ३९, हुम्लाका १६, दैलेखका ४, रुकुम पश्चिमका २ र अन्य प्रदेशका २ जना रहेका छन्।

योसँगै कर्णाली प्रदेशमा कोरोना संक्रमितको संख्या ६ हजार पाँच सय ६ पुगेको सामाजिक विकास मन्त्रालय स्वास्थ्य सेवा महाशाखाले जनाएको छ।

त्यस्तै, पछिल्लो २४ घण्टामा ७० जना कोरोनामुक्त भएर डिस्चार्ज भएका छन्। जसमध्ये ‘सुर्खेतका ४७ जना र दैलेखका २३ जना रहेका छतन्।

योसँगै कर्णाली प्रदेशमा कोरोनामुक्त हुनेको संख्या पाँच हजार ९५८ पुगेको छ।

हाल प्रदेशमा ४२० जना कोरोनाका सक्रिय संक्रमित रहेकाछन्। उनीहरूको कर्णालीका विभिन्न अस्पताल र आइसोलेसनमा उपचार भइरहेको स्वास्थ्य सेवा महाशाखाले जनाएको छ।