नेप्सेमा दोहोरो अंकको वृद्धि, कारोबार रकम झण्डै पाँच अर्ब

काठमाडौं, कात्तिक २७ : साताको अन्तिम दिन आज धितोपत्र बजारमा शेयर कारोबार मापक नेप्से परिसूचक दोहोरो अंकले उकालो लागेको छ। लगातार उकालो लागेको नेप्सेमा आज झण्डै ११ अंकको वृद्धि भएको हो। नेपाल स्टक एक्सचेञ्जका अनुसार नेप्से १०.८२ अंकले वृद्धि भई एक हजार ७१८.४९ मा पुगेको छ। यस्तै सेन्सेटिभ परिसूचक ३.२७ विन्दुले उकालो लागेर ३३८.९ मा पुगेको छ। 

कूल १९८ कम्पनीको एक करोड ३८ लाख ८९ हजार १८९ कित्ता शेयर चार अर्ब ८२ करोड ६२ लाख ८६ हजार ५५१ रुपैयाँ मूल्यमा खरिद बिक्री भयो। नेप्से उकालो लागेर कारोबार रकमसमेत वृद्धि हुँदा त्यसले लगानीकर्तालाई समेत उत्साहित बनाएको छ। 

स्कटका अनुसार कारोबार भएका कूल १२ उपसमूहमध्ये आज पाँच उपसमूहको शेयर उकालो लाग्दा सात उपसमूहको शेयर भने ओरालो लागेको छ। बैंकिङ १०.२१, व्यापार १६४.७१, निर्जीवन बीमा ३९.१६, अन्य २८.३९ र सामूहिक लगानी कोष ०.०१ विन्दुले उकालो लागेको छ। यस्तै, होटल १८.४१, विकास बैंक ४.४७, वित्त ३.६५, उत्पादन ३०.८६, लघुवित्त १.७१ र जीवन बीमा २८.९२ विन्दुले ओरालो लागेको छ। 

कारोबारका आधारमा आज पनि पुनरबीमा कम्पनी शीर्ष स्थानमा रहेको छ। सो कम्पनीको २८ करोड ५५ लाख पाँच हजार ६६९ रुपैयाँ बराबरको कारोबार भयो। यस्तै साल्ट टे«डिङ कर्पोरेशन २६ करोड सात लाख ९१ हजार ६०९ रुपैयाँ, प्रभु बैंक २० करोड ८२ लाख ६८ हजार ६१६ रुपैयाँ, हिमालयन डिस्टिलरी १८ करोड ७६ लाख ८५ हजार ४९० रुपैयाँ, नेपाल लाइफ इन्स्योरेन्स कम्पनी १६ करोड तीन लाख ७८ हजार ५३५ रुपैयाँ, राष्ट्रिय बीमा कम्पनी लिमिटेडको संस्थापक शेयर १५ करोड ९४ लाख ३६ हजार ३३८ रुपैयाँ र शिवम सिमेन्ट १३ करोड ६४ लाख ५४ हजार ३३९ रुपैयाँ बराबरको कारोबार भई शीर्ष स्थानमा रहे। 

कारोबारका आधारमा आज विशाल बजार कम्पनी ९.९९, साल्ट टे«डिङ कर्पोरेशन ९.९९, नाडेप लघुवित्त ८.१६, राष्ट्रिय बीमा कम्पनी लिमिटेडको संस्थापक शेयरधनी ७.२५, सबैको लघुवित्त ६.२५, नेपाल दूरसञ्चार कम्पनी ५.१८ र सानिमा जनरल इन्स्योरेन्सका शेयरधनीले ४.०१ प्रतिशतले कमाए। यसैगरी, गणपति माइक्रोफाइनान्स ५.२३, पञ्चकन्या माई हाइड्रोपावर ३.९५, एनआईसी एशिया ग्रोथ फण्ड ३.६०, रैराङ हाइड्रोपावर ३.४४, एनआरएन इनफ्रास्ट्रकचर ३.२१ र आईसीएफसी फाइनान्सका लगानीकर्ताले ३.०१ प्रतिशतले गुमाए।