नेपालका दुई हिमाल चढेर स्वदेश फर्कियो बहराइनी राजकुमारको टोली

काठमाडौं, कात्तिक ७ :  बहराइनका राजकुमार मोहम्मद हामद मोहम्मद अल खलिफा स्वदेश फर्किएका छन्। मनास्लु र लुवुचो हिमालको सफल आरोहणपछि उनी शुक्रबार स्वदेश फर्किएका हुन्।

राजकुमार खलिफाको १८ जनाको टोली १ महिना ७ दिन नेपाल बसेका थिए। टोलीले ८५१६ मिटर अग्लो मनास्लु र ६११९ मिटर अग्लो लोबुचो हिमाल आरोहण गरेको थियो।

राजकुमार खलिफाले हिमालबारे थाहा नभएको आफू नेपालका हिमाल चढ्दा र यहाँको प्राकृतिक सौन्दर्यबाट रोमाञ्चित भएको र नेपालमै बस्न मन लागेको प्रतिक्रिया दिएका थिए।

राजकुमार खलिफाले भने, ‘नेपालप्रति मेरो यति लामो बसाइमा कुनै गुनासो छैन, यहाँको आतिथ्यतादेखि लिएर हिमाल आरोहण र अन्य प्राकृतिक सौन्दर्यताको अनुभव साच्चिकै स्मरणीय रह्यो।’

राजकुमार खलिफालाई संस्कृति, पर्यटन तथा नागरिक उड्डयन मन्त्री योगेश भट्टराईले त्रिभुवन विमानस्थलमा बिदाइ गरेका हुन्।