जाजरकोटमा जीप दुर्घटना, पाँच जनाको मृत्यु

काठमाडौं, असोज २१ : जाजरकोटको जुनिचाँदे गाउँपालिका– १ ओलभिरमा जीप दुर्घटना हुँदा पाँच जनाको मृत्यु भएको छ।

मृत्यु हुनेमा वडा नं. ११ का वडाध्यक्ष अमरबहादुर शाहीसहित कृति शाही, ख्यामबहादुर शाही, वडा ५ की  मालिका बस्नेत र कृष्णबहादुर शाही रहेका छन्।

जुनिचाँदे कार्यपालिकाको बैठकका लागि सदरमुकामबाट जाँदै गरेको  भे.१ज ९३५ नम्बरको जीप दुर्घटनामा परेको हो।

दुर्घटनामा अन्य एक जना घाइते भएका छन्।