हास्य कलाकार हरिवंश आचार्य दम्पतीलाई कोरोना संक्रमण

काठमाडौं, असोज २० : हास्य कलाकार हरिवंश आचार्य र उनकी श्रीमती रमिलालाई कोरोना संक्रमण भएको छ।

स्वाब परीक्षणको मंगलबार आएको रिपोर्टअनुसार आफूहरूमा संक्रमणा पुष्टि भएको कलाकार आचार्यले फेसबुकमार्फत बताएका छन्।

उनले लेखेका छन्, ‘सामान्य लक्षण देखिएकाले हिजो मेरो र श्रीमती रमिलाको पीसीआर परीक्षण गरेका थियौं। हामी दुवैको कोरोना संक्रमण पुष्टि भएको रिपोर्ट आज आयो।’

कोरोना संक्रमण पुष्टि भएपनि आफूहरुको स्वास्थ्य अवस्था सामान्य भएको आचार्यले बताएका छन्। साथै आफ्नो सम्पर्कमा रहेका सबैलाई परीक्षण गराउन उनले आग्रह गरेका छन्।