वीपी प्रतिष्ठानमा उपचाररत कोरोना संक्रमित महिलाको मृत्यु

धरान, असोज १७ : सुनसरीमा कोरोना भाइरसको संक्रमणबाट थप एक जनाको मृत्यु भएको छ। 

धरानस्थित वीपी कोइराला स्वास्थ्य विज्ञान प्रतिष्ठानमा उपचाररत इनरुवा–४ की २८ वर्षीया महिलाको शनिबार साढे ४ बजे मृत्यु भएको प्रतिष्ठानका सहप्रवक्ता डा. आशिष श्रेष्ठले जानकारी दिए। 

उनका अनुसार ती महिलामा अन्य दीर्घरोग थिएन। असोज ८ गते वीपी प्रतिष्ठानमा परीक्षण गर्दा ती महिलामा कोरोना पुष्टि भएको थियो। कोरोना संक्रमण पुष्टि भएपछि त्यही दिन ती महिला उपचारका लागि अस्पताल भर्ना भएकी थिइन्।