प्रिमियर लिगमा चेल्सीको शानदार सुरुवात 

काठमाडौं, भदौं ३० : इंग्लिस प्रिमियर लिग फुटबलमा चेल्सीले शानदार जित सुरुवात गरेको छ ।

नयाँ सिजनको पहिलो खेलमा लण्डन क्लबले ब्राइटन एन्ड होभ आल्बियनमाथि ३–१ गोल अन्तरको सहज जित निकालेको हो । ब्राइटनको घरेलु मैदानमा चेल्सीको जितमा जोर्गिन्हो, रिस जेम्स र कर्ट जुमाले एक एक गोल गरे ।

घरेलु टोलीका लियान्ड्रो ट्रोसार्डले एक गोल फर्काएका थिए । सोमबार रातिकै अर्को खेलमा वुल्भर ह्याम्पटन वान्डेरर्सले शेफिल्ड युनाइटेडलाई २–० गोल अन्तरले पराजित गरेको छ ।

राउल जिमेनेज र रोमेन साइसले १–१ गोल गरे ।