रोल्पामा पहिरोमा पुरिएर दुई बालकको मृत्यु, दुई जना घाइते

लिवाङ, भदौ २७ : रोल्पामा पहिरोले घर पुरिँदा एकै परिवारका दुई बालबालिकाको मृत्यु भएको छ। अन्य दुई जना घाइते भएका छन्।

लुंग्री गाउँपालिका–१, आपेका ज्ञानसिंह घर्तीमगरको घर गएराति पहिरोले पुरिँदा उनका छोराहरु ८ वर्षीय अमर घर्ती र ११ वर्षीय युवराज घर्तीको मृत्यु भएको जिल्ला प्रहरी प्रवक्ता प्रहरी निरीक्षक शंकर खड्काले जानकारी दिए।

पहिरोमा पुरिएर बालककी ३५ वर्षीया आमा नन्दकली घर्ती मगर र ५० वर्षीया हजुर आमा बीरमा घर्तीमगर घाइते भएका छन्। घाइते दुवै जनालाई उपचारका लागि सुलिचौर अस्पताल पठाइएको छ।