बैंक तथा वित्तीय संस्थाका सबै शाखा खोल्न राष्ट्रबैंकको निर्देशन

काठमाडौं, साउन ९ :  नेपाल राष्ट्र बैंकले सम्पूर्ण बैंक तथा वित्तीय संस्थाका सबै शाखा कार्यालयहरु खोल्न निर्देशन दिएको छ । स्वास्थ्य सुरक्षाको पालना गरी भीडभाड नहुने तथा दूरी कायम गरेर कार्यालय समयमा बैंक तथा वित्तीय संस्थाका सबै शाखा कार्यालयहरु खोल्न निर्देशन दिएको हो ।

केन्द्रीय बैंकले बैंक तथा वित्तीय संस्थालाई परिपत्र गर्दै ‘सिफ्ट सिस्टम’हटाउन पनि भनेको छ। राष्ट्र बैंकको निर्देशनपछि विगतको जस्तै नियमित रुपमा बैंक तथा वित्तीय संस्थाका शाखा आठ घण्टा नै सञ्चालन गर्नुपर्नेहुन्छ।

कोरोनाको सङ्क्रमण बढेको भन्दै गत चैत ११ गतेदेखि सरकारले लकडाउन गरेपछि बैंक तथा वित्तीय संस्थाले सीमित सङ्ख्याका शाखा मात्रै सीमित समयका लागि सञ्चालन गरेका थिए।