स्पेनिस ला लिगामा बार्सिलोनाको शानदार जित 

काठमाडौं, जेठ ३२ : स्पेनिस ला लिगा फुटबलमा बार्सिलोनाले मालोर्कामाथि ४ ० को शानदार जित  निकालेको छ ।

दोस्रो मिनेटमा नै अटुरो भिडालले गोल गर्दै सुरुवाती अग्रता लिएको बार्सिलोनाले ३७ औँ मिनेटमा मार्टिन ब्रेथवेटले गोल गरेपछि पहिलो हाफमा बार्सिलोना २–० अगाडी रह्यो । ७९ औँ मिनेटमा जोर्डी अल्बाले गोल गरे ।

इन्जुरी समयको तेस्रो मिनेट अर्थात ९३ औँ मिनेटमा लियोनल मेस्सीले गोल गरेपछि बार्सिलोना ४–० ले विजयी भयो । जीतपछि बार्सिलोनाको २८ खेलबाट ६१ अंक भएको छ ।

उसले एक खेल कम खेलेको रियल मड्रिडसँग अंक दूरी पाँच अंकले बढाएको छ ।