जाजरकोटमा एक प्रहरीसहित थप चार जनामा कोरोनाको संक्रमण पुष्टि

वीरेन्द्रनगर, जेठ २४ : जाजरकोटमा एक जना प्रहरीसहित थप चार जनामा कोरोना भाइरसकको संक्रमण पुष्टि भएको छ। 

शनिबार सुर्खेतको प्रयोगशालामा गरिएको परीक्षणमा जाजरकोटका चार जनामा कोरोनाको संक्रमण पुष्टि भएको सामाजिक विकास मन्त्रालय स्वास्थ्य सेवा महाशाखा प्रमुख डा. लक्ष्मीनारायण तिवारीले जानकारी दिए।

उनका अनुसार संक्रमितहरु जाजरकोटको बारेकोट गाउँपालिका–१ का तीन जना र इलाका प्रहरी कार्यालय बारेकोटमा कार्यरत एक प्रहरी रहेका छन्। बारेकोट–१ का कोरोना संक्रमित तीन जना भारतबाट आएको खुलेको छ।