बारा र पर्साका १२ संक्रमित डिस्चार्ज

काठमाडौं, जेठ २२ : पर्सा र बाराका १२ जना कोरोना संक्रमित निको भएर डिस्चार्ज भएका छन्। वीरगञ्जस्थित नारायणी अस्पतालको गण्डक कोभिड अस्पतालबाट पाँच जना  र कलैया अस्पतालबाट सात जना डिस्चार्ज भएका हुन्।

लगातार दुई पटकसम्म गरीएको पीसीआर परीक्षण रिपोर्ट नेगेटिभ आएपछि उनीहरुलाई डिस्चार्ज गरिएको अस्पतालले जनाएको छ। 

डिस्चार्ज हुनेमा पर्साका ३ जना र बाराका २ जना नेपाली सेनाका सैनिक रहेका छन्।

त्यस्तै कलैया अस्पतालबाट ६ जना प्रहरी कर्मचारी र एक जना पत्रकार कोरोना जितेर घरडिस्चार्ज भएका हुन्।

उनीहरुलाई दुवै अस्पतालका चिकित्सक, नर्स, स्वास्थ्यकर्मीले फूलको गुच्छा दिएर अस्पतालबाट विदाइ गरेका थिए।