रबैया यस्तै रहे सरकारले यसको मूल्य चुकाउनु पर्छ : प्रचण्ड
सोमबार संसद् भवन सिंहदरबारमा सञ्चारकर्मीसँग कुरा गर्दै प्रचण्डले ‘छोरी पिटेर बुहारी तर्साउन खोजेको’जस्तो नियत सरकारको हो भने त्यो सरकारकै लागि घातक हुने बताउँदै यसको मूल्य धेरै ठूलो चुकाउनुपर्ने उल्लेख गरे।
काठमाडौं, असोज १२ : बिनाकारण विशिष्ट व्यक्तिहरूलाई पक्राउ गर्ने क्रम जारी रहे सरकारले ठूलो मूल्य चुकाउनुपर्ने टिप्पणी नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले गरेका छन्।
सोमबार संसद् भवन सिंहदरबारमा सञ्चारकर्मीसँग कुरा गर्दै प्रचण्डले ‘छोरी पिटेर बुहारी तर्साउन खोजेको’जस्तो नियत सरकारको हो भने त्यो सरकारकै लागि घातक हुने बताउँदै यसको मूल्य धेरै ठूलो चुकाउनुपर्ने उल्लेख गरे।
संयोजक प्रचण्डले यस्ता घटना नदोहोर्याउन उनले सरकारलाई आग्रह पनि गरे। सुरक्षा थ्रेट भनिएको विषय सामान्य मानिसले पनि बुझ्ने खालको बहानाबाजी मात्र भएको उनले बताए।
यदि साँच्चिकै सुरक्षा थ्रेट थियो भने पक्राउ गर्नुको साटो घरमै सुरक्षाकर्मी बढाइदिनुपर्ने उनले बताए।
प्रकाशित मिति: १५:०२ बजे, सोमबार, असोज १२, २०८३
प्रतिक्रिया दिनुहोस्
थप समाचार
