सुरुङको उत्खननमा थपिंदै एक्स्काभेटर

काठमाडौं, भदौ २० : रसुवा बाढीले प्रभावित जलविद्युत आयोजनाको सुरुङमा फसेकाको उत्खननका लागि एक्स्काभेटर थपिँदैछ।

उत्खनन तथा उद्धारको लागि ३ वटा एक्सााभेटर प्रयोग भैरहेकोमा उत्खनन कार्यलाई अझै तीव्रताका साथ अगाडि बढाउनको लागि थप एक्स्काभेटर सहयोगको लागि आयोजना स्थलबाटै सडक डिभिजन कार्यालय नुवाकोटलाई पत्रचार भएको छ।

त्रिशूली ३ ए को सर्भे टोलीले त्यसस्थानमा पुगेर सर्वेक्षण कार्य सम्पन्न गरी पावरहाउससहित सबै भवनहरूको सिमाना चिन्ह लगाएको छ।

हाल उत्खनन कार्य कार्यालय भवनको स्थानमा भइरहेको छ।

सर्भे टिमले प्रधानमन्त्री तथा मन्त्रिपरिषद् कार्यालय र गृह मन्त्रालयमा गरेको ब्रिफ्रिङका अनुसार पावरहाउसको माथिबाट नदी बगिरहेको छ।

त्रिशूली ३ ए बाट उत्खन्न तथा उद्धारको कार्य सम्बन्धित सामग्री तथा औजारहरु यस आयोजनास्थल त्रिशुली ३ बि लाइ उपलब्ध गराउने गरी व्यवस्थित गरिएको छ।