रसुवाबाट १२ जनाको उद्धार

काठमाडौं, भदौ १० : रसुवाको बाढीबाट प्रभावित क्षेत्रबाट १२ जनाको उद्धार भएको छ। 

बुधबार बिहान ९ बजे आएको बाढीबाट प्रभावित विभिन्न ठाउँबाट १२ जनाको उद्धार भएको नेपाली सेनाले जनाएको छ।

सेनाको हेलिकप्टरबाट स्याफ्रुबेँशीबाट ६ जना, मैलुङबाट दुई जना र धुन्चेबाट ४ जनाको उद्धार भएको हो।

अहिले बाढी प्रभावित क्षेत्रमा नेपाली सेनाको चार वटा र निजी कम्पनीका ८ वटा गरी १२ वटा हेलिकप्टर उद्धारमा खटिएको छ।