कोरोना भाइरसबाट अमेरिकामा १८ लाख संक्रमित, १ लाख ५ हजारले गुमाए ज्यान 

काठमाडौं, जेठ १८ : कोभिड १९ महामारीले अमेरिकामा १ लाख ५ हजारभन्दा बढीको मृत्यु भएको छ । यो समाचार तयार पार्दासम्म पछिल्लो २४ घण्टामा थप ९९८ जनाको मृत्यु भएको छ ।

यो सँगै मृत्यु हुनेको संख्या १ लाख ५ हजार ५४० पुगेको छ । कोरोना भाइरससम्बन्धी तथ्यांक अद्यावधिक गरिरहेको साइट वर्ल्डोमिटर्सका अनुसार पछिल्लो २४ घण्टामा त्यहाँ २२ हजार २८७ जनामा संक्रमण पुष्टि भएको छ ।

यो सँगै कुल संक्रमितको संख्या १८ लाख १५ हजार ८१७ पुगेको छ । जसमध्ये ५ लाख ३० हजार ६१६ जना संक्रमणमुक्त भएका छन् ।

उपचार गराइरहेका ११ लाख ७९ हजार ६६१ जनामध्ये १७ हजार १५९ जनाको अवस्था गम्भीर रहेको छ ।