काठमाडौं लगायत देशका विभिन्न स्थानमा बिहानैदेखि वर्षा

काठमाडौं, जेठ १६ : नेपालमा पश्चिमी वायुको आंशिक प्रभाव तथा पुर्वी भूभाग नजिकै निम्न चापीय रेखा र स्थानीय वायुको प्रभावका कारण आज देशभर सामान्यतया मौसम बदली रहने मौसम पूर्वानुमान महाशाखाले जनाएको छ ।

काठमाडौमा आज सामान्यतया मौसम बदली रहने छ । काठमाडौ उपत्यका लगायत देशका विभिन्न ठाउँमा बिहानैदेखि पानी परिरहेको छ । पुर्वी र  मध्य भूभाग लगायत पश्चिमी पहाडी भूभागका केही स्थानहरुमा मेघगर्जन, चट्याङ र हावाहुरीसहित वर्षाको सम्भावना रहेको महाशाखाको अनुमान छ ।

मेघगर्जन, चट्याङ र हावाहुरीसहित  वर्षाको  सम्भावना रहेकाले सावधानी अपनाउन महाशाखाले आग्रह गरेको थियो ।