मन्त्री पुनलाई हर्कको सुझाव- सरकारमा बसेर गुनासो होइन, काम गर्नुस्
‘सरकारले गुनासो गर्ने होइन। मन्त्री ज्यू सत्ता पक्ष होकि विपक्ष हो भन्ने थाहा हुनुपर्छ। यस्तो कानुन भएन उस्तो भएन भनेर लामो गित सुनाउनु भयो यहाँले। अर्को पटकदेखि समयको ध्यान यहाँले दिनुपर्छ,’ उनले भने।
काठमाडौँ, असार ४ : श्रम संस्कृति पार्टीका सांसद हर्क साम्पाङले विज्ञान प्रविधि तथा नवप्रवर्तनमन्त्री महावीर पुनलाई सरकारको मन्त्री भएर गुनासो धेरै गर्ने र समय खेरा फाल्ने काम गरेको भन्दै सचेत गराएका छन्।
बिहीबार बसेको प्रतिनिधिसभाको बैठकमा सरकारको मन्त्री भएर गुनासो गर्ने लामो जवाफ दिएर समय खेरा फालेको भन्दै सांसद राईले असन्तुष्टि जनाए।
‘सरकारले गुनासो गर्ने होइन। मन्त्री ज्यू सत्ता पक्ष होकि विपक्ष हो भन्ने थाहा हुनुपर्छ। यस्तो कानुन भएन उस्तो भएन भनेर लामो गित सुनाउनु भयो यहाँले। अर्को पटकदेखि समयको ध्यान यहाँले दिनुपर्छ,’ उनले भने।
त्यस्तै उनले खर्च हुनै नसक्ने र कार्यक्रम नै नभएको अबण्ड बजेट राखिएको भन्दै उनले यसमा ख्याल गर्न सचेत गराएका हुन्।
२ अर्ब ५१ करोड पैसा अबन्डामा भएको भन्दै उनले कार्यक्रम नै नभए किन विनियोजित गरेको भनेर प्रश्न गर्दै उनले बजेट दुरुपयोग हुन नदिन आग्रह गरे।
मन्त्री पुनले मन्त्रालयका लागि आवश्यक कानुनहरू बनिनसकेको र साढे ३ अर्ब रुपैयाँ अवन्डामा रहेको भन्दै यो खर्च गर्न गाह्रो हुने बताएका थिए।
