विश्वकपको उद्घाटन खेलमै रातो कार्डको बर्षा 

काठमाडौं, जेठ २९ : फिफा विश्वकप २०२६ को उद्घाटन खेलमा रातो कार्डको बर्षा नै भएको छ । मेक्सिकोको आइकोनिक एज्टेका रंगशालामा भएको उद्घाटन  खेलमा घरेलु टोलीले दक्षिण अफ्रिकालाई २–० ले पराजित गरेको हो । 

दुई गोल भएको उद्घाटन खेलमा ब्राजिलियन रेफ्रीले तीन रातो कार्ड देखाएका थिए । विपक्षी खेलाडीलाई लडाएपछि ४९औं मिनेटमा दक्षिण अफ्रिकाका सेफेलो सिथोलले पहिलो रातो कार्ड पाउँदै मैदानबाट बाहिरिए । त्यसपछि दक्षिण अफ्रिका १० खेलाडीमा सिमित रह्यो । 

खेलको ८४औं मिनेटमा दक्षिण अफ्रिकाका थेम्बा ज्वानेले रातो कार्ड पाउँदै मैदानबाट बाहिरिए । त्यसपछि दक्षिण अफ्रिका ९ खेलाडीमा सिमिति रह्यो । दोस्रो हाफको अतिरिक्त समयमा मेक्सिकोका सेजर मोन्टेसले रातो कार्ड खाँदै मैदान छाड्न वाध्य भए ।