जातीय भेदभाव तथा छुवाछुत उन्मुलन दिवस मनाइँदै

काठमाडौं, जेठ २१ : जातीय भेदभाव तथा छुवाछुत उन्मूलन राष्ट्रिय दिवस आज मनाइँदै छ । 

आज बिहीबार विभिन्न कार्यक्रम गरी देशभर मनाइँदैछ । विसं २०६३ साल जेठ २१ गते नेपाल सरकारले मुलुकलाई ‘जातीय छुवाछूत मुक्त राष्ट्र’ घोषणा गरेको थियो । 

सोही दिनको स्मरणमा २०६८ सालदेखि हरेक वर्ष जेठ २१ गतेलाई ‘जातीय भेद्भाव तथा छुवाछूत उन्मूलन दिवस’ का रूपमा मनाउने गरिएको छ ।