कपिलवस्तुमा यात्रु बस दुर्घटना, ३८ जना घाइते

कपिलवस्तु, जेठ १२ : काठमाडौंबाट दाङ जाँदै गरेको यात्रुबहाक बस कपिलवस्तुको महाराजगञ्ज नगरपालिका–४, बरईपुरस्थित तौलिहवा–बहादुरगन्ज हुलाकी सडकखण्डमा दुर्घटनामा परेको छ।

काठमाडौंबाट सुर्खेततर्फ जाँदै गरेको कर्णाली प्रदेश ०२–००१ ख १२६६ नम्बरको बस मंगलबार सडकमा पल्टिँदा ३८ जना घाइते भएको प्रहरीले जनाएको छ।

घाइतेमध्ये २ जनाको अवस्था गम्भीर, १९ जनाको अवस्था मध्यम, र अन्य १७ जना सामान्य रहेको प्रहरीले जनाएको छ। गम्भीर घाइतेमा हुनेमा बर्दियाकी ४५ वर्षीया पवित्रा देवकोटा र सुर्खेतका ३० वर्षीय प्रकाश विक रहेको प्रहरीले जनाएको छ। 

सबै घाइतेहरुलाई उपचाका लागि जिल्ला अस्पताल तौलिहवा पठाइएकोमा ३५ जनालाई थप उपचारका निम्ति भैरहवास्थित विभिन्न अस्पतालमा ‘रिफर’ गरिएको बताइएको छ।