महाकालेश्वर मन्दिरमा ७० वर्ष सेवा गर्ने वरिष्ठ पूजारी त्रिवेदीलाई वर्ल्ड बुक अफ रेकर्डद्वार सम्मान

काठमाडौं, वैशाख २१ : बेलायतस्थित वर्ल्ड बुक अफ रेकर्डले भारतको मध्यप्रदेश राज्यको उज्वैनमा अवस्थित महाकालेश्वर मन्दिरका वरिष्ठ पूजारी रमणगुरु त्रिवेदीलाई सम्मान गरेको छ । महाकालेश्वरको मन्दिरमा विगत ७० वर्षदेखि निरन्तर पूजा गरेको र मन्दिरमा सेवा गरेको भएकाले वर्ल्ड बुक अफ रकर्डले पूजारी रमणगुरु त्रिवेदीलाई सम्मान गरेको हो । वर्ल्ड  बुक अफ रेकर्डस् विभिन्न क्षेत्रमा विशिष्ट योगदान पुर्याउने व्यक्ति तथा संस्थाहरूलाई सम्मान गर्ने गर्दछ । 

पछिल्लो चार, पाँच पुस्तादेखि उनको परिवारमा सबैले महाकालेश्वर मन्दिरमा पूजारी बनेरै जीवन समर्पण गरेको पूजारी त्रिवेदी सुनाउँछन् । ‘हजुरबुवा, जीजुहरुजुबुवाको भन्दा पनि पहिलेदेखि नै सबैले महाकालेश्वर मन्दिरमा पूजा गरेर जीवन समर्पण गर्नु भएको छ । त्यसैको अनुसरण मैले पनि गरेको हुँ ।’ उनले सुनाए । 

सन् १९४७, १५ डिसेम्बरमा जन्मिएका त्रिवेदीले बुवाको मृत्यु पछि ९ वर्षको उमेरबाटै महाकालेश्वर मन्दिरमा पूजा गर्न सुरु गरेका हुन् । अहिले उनी ७९ वर्षका भए । उनको बुवाले पनि आफ्नो जीवन त्यही मन्दिरमा पूजा गरेर नै बिताएको उनी सम्झन्छन् । बुवाको मृत्यु पश्चात् बुवाकै ठाउँमा उनले पूजा गर्न थालेका हुन् र ‘मेरो बुवाले पनि यहि पूजा गरेर जीवन विताउँछु भयो । मलाई पनि उहाँले सधै मन्दिरमा जानू, पूजा गर्नु, जल चढाउनु भनेर सिकाउँनु भएको थियो । सधैँ यस्तै उपदेश दिनुहुन्थ्यो ।  त्यसले गर्दा मलाई पनि मन्दिरमा पूजा गर्ने रुची जाग्यो र बुवाको ठाउँमा मैले पूजा गर्न थाले । त्यसपछि अहिलेसम्म महाकालकै सेवामा जीवन समर्पण गरेको छु ।’ उनले बताए । 

उज्जैनमा क्षिप्रा नदीको तटमा निर्माण गरिएका यस मन्दिरलाई हिन्दूहरुले १२ ज्योतिर्लिङ्ग मध्ेको एक ज्योतिर्लिङ्गका रुपमा पूजा गर्ने गर्छन् । यसै विश्वासलाई मानेर देशका राष्ट्रपति, प्रधानमन्त्रीदेखि कलाकारसम्म सबै पूजा गर्न, दर्शन गर्न महाकालेश्वरम मन्दिर पुग्दछन् । उनले पछिल्ल ७०  वर्षमा भारतमा जतिपनि राष्ट्रपति, प्रधानमन्त्री भए सबैलाई पूजा गराएको बताउँछन् । उनले भारतका चर्चित कलाकार अमिताव बच्चन, दिलीप कुमार, गोविन्दा, रामानन्द सागर, धर्मेन्दर, जिनेन्दर, राजेश खन्नालगायत विभिन्न व्यक्तित्वलाई पनि महाकालेश्वको दर्शन गराएको बताए । 
ब्राह्मण परिवारमा जन्मिएका उनी आफ्नो बाल्यकाल समान्य भएको बताउँछन् । उनका अनुसार बुवाले महाकालेश्वर मन्दिरमा पूजा गरेरै परिवार सम्माहालेका थिए । त्यसले गर्दा बाल्यकाल सामान्य नै भएको उनले बताए । आफू १० वर्षको हुँदा नै बुवाको मृत्यु भएपछि परिवारको जिम्मेवारी सम्हाल्दै उनले मन्दिरमा बुवाको स्थान लिएका हुन् । महाकालेश्वर मन्दिरमा पूजा गर्न थालेपछि जीवनमा परिवर्तन आएको उनी बताउँछन् । ‘ महाकालेश्वरको पूजा गर्न थालेपछि भगवान्ले मेरो हात छोड्नु भएन । उहाँको आशिर्वाद सधैँ मसँग भइरह्यो । जीवनबाट दुःख कष्ट पनि हराउँदै गयो । जीवन विस्तारै परिवर्तन भयो । त्यसपछि मैले महाकालको सेवा गर्न कहिल्यै छाडेन ।’ उनले आफ्नो अनुभव सुनाए । 

उनले सामान्यतया बिहानै ४ बजेदेखि नै महाकालेश्वरको पूजा गर्न सुरु गर्दछन् । बेलुका पनि सधै पूजा गर्ने गरेको नरहको उनी बताउँछन् । सामान्यतया दिनमा ८ देखि ९ घण्टा पूजा गर्छन् । ‘मेरो खाने र सुत्ने त्यस्तो पक्का समय छैन । कहिले तीन बजे बिहानै पनि पूजा गर्नु पर्छ । कहिले राति एक दुई बजेसम्म पूजा गर्नु पर्छ । मेरो जीवन महाकालको पूजा अर्चना गरेरै बित्छ । मलाई महाकालको सेबा गर्दा खुसी मिल्छ । महाकाले मेरो जीवनमा पनि परिवर्तन ल्याउनु भएको छ । त्यसैले मेरो जीवन महाकालकै सेवामा वितोस् भन्ने लाग्छ । महाकालको सेबा गर्दा मलाई भित्रबाटै आनन्द मिल्छ । सधैँ यसरी नै सेवा गर्न पाउँ ।’ उनले बताए । 

उनले आफ्नो पहलमा भारतबाहेक अन्य विभिन्न देशमा गरी ३५ भन्दा बढी महाकालको मन्दिर बनाएको बताउँछन् । उनका अनुसार विश्वका विभिन्न देशले उनलाई आफ्नो देश र पूजा गराउने गर्दछन् । यसै शिलशिलामा उनले विभिन्न देश घुमेका छन् र पूजा गरेका छन् । जसले गर्दा उनलाई विभिन्न देशमा विभिन्न पदवीबाट सम्मान पनि गरेको उनी बताउँछन् ।