संविधान संशोधन कार्यदलको पहिलो बैठक आज बस्दै
बैठक बुधबार दिउँसो ३ बजे प्रधानमन्त्री तथा मन्त्रिपरिषद्को कार्यालयमा बस्दैछ।
काठमाडौं, चैत २५ : सरकारले संविधान संशोधनसम्बन्धी बहसपत्र तयार गर्न गठन गरेको कार्यदलको पहिलो बैठक आज बस्ने भएको छ।
बैठक बुधबार दिउँसो ३ बजे प्रधानमन्त्री तथा मन्त्रिपरिषद्को कार्यालयमा बस्दैछ।
मन्त्रिपरिषद्को २०८२ चैत १६ गतेको निर्णयअनुसार प्रधानमन्त्रीका प्रमुख राजनीतिक सल्लाहकार असिम शाहको संयोजकत्वमा ‘संविधान संशोधन बहसपत्र तयार गर्ने कार्यदल–२०८२’ गठन गरिएको हो।
कार्यदलमा राष्ट्रिय स्वतन्त्र पार्टीबाट मोहन आचार्य, एमालेबाट डा. भीष्मनाथ अधिकारी, नेकपाबाट देव गुरुङ, राष्ट्रिय प्रजातन्त्र पार्टीबाट संसदीय दलका नेता ज्ञानेन्द्र शाही र राष्ट्रिय जनमोर्चाबाट महासचिव मनोज भट्ट सदस्य रहेका छन्।
प्रकाशित मिति: १०:३५ बजे, बुधबार, चैत २५, २०८२
प्रतिक्रिया दिनुहोस्
थप समाचार
