काठमाडौं पूर्वसिडिओ रिजाललाई हाजिरी जमानीमा छाडिने

काठमाडौं, चैत १७ : काठमाडौंका पूर्वप्रमुख जिल्ला अधिकारी छवि रिजाललाई हाजिरी जमानीमा छाडिने भएको छ।

जेनजी आन्दोलनमा दमन गरेको आरोपमा गौरीबहादुर कार्की नेतृत्वको जाँचबुझ आयोगले कारबाहीको सिफारिस गरेका रिजाललाई अपराध अनुसन्धान कार्यालयको टोलीले आज बिहान पक्राउ गरेको थियो। 

जेनजी आन्दोलनको बेला काठमाडौंको सीडीओ रहेका रिजाललाई आजै हाजिरी जमानीमा छाड्ने निर्णय भएको जिल्ला प्रहरी परिसर, काठमाडौंले जनाएको छ।

जेनजी आन्दोलनकै दमनको आरोपमा अनुसन्धानका लागि पक्राउ परेका पूर्वप्रधानमन्त्री केपी ओली, तत्कालिन गृहमन्त्री रमेश लेखक र तत्कालिन आईजिपी चन्द्रकुवेर खापुङलाई भने हिरासतमै राखेर अनुसन्धान अगाडि बढाइएको छ।