पेरिसडाँडामा माओवादी केन्द्र सचिवालय बैठक सुरु

काठमाडौं, कात्तिक १५ : नेकपा माओवादी केन्द्र महाधिवेशन आयोजक समितिको सचिवालय बैठक सुरु भएको छ। 

पार्टी केन्द्रीय कार्यालय पेरिसडाँडामा सचिवालय बैठक सुरु भएको हो। आजको बैठकले वामपन्थी शक्तिविच बृहत एकता र ध्रुवीकरणबारे निर्णय लिने बताइएको छ। 

नेकपा माओवादी केन्द्र, नेकपा एकीकृत समाजवादी, जसपा नेपाल र विप्लव नेतृत्वको नेकपाको विद्रोही समूहसँग पार्टी एकताको छलफल अन्तिम चरणमा पुगेको बताइएको छ। 

आगामी कात्तिक १७ गतेका लागि पनि माओवादी आयोजक समितिको बैठक डाकिएको छ।