संसद विघटनको बिषयमा सभामुख घिमिरेले दलहरुसँग राय मागे

काठमाडौं, असोज २८ : सभामुख देवराज घिमिरेले प्रतिनिधिसभा विघटनको विषयमा दलहरूको राय मागेका छन्।

घिमिरेले यसका लागि विघटित प्रतिनिधिसभामा रहेका राजनीतिक दलका प्रमुख सचेतकहरूलाई छलफलमा डाकेका छन् । प्रमुख सचेतकहरूलाई सभामुख घिमिरेले बुधबार बिहान ९ बजे बोलाएका हुन्। 

सिंहदरबारस्थित सभामुखको कार्यकक्षमा बैठक बस्ने तय भएको छ । सचेतकसँग राय परामर्श गरेपछि संविधान एवम् कानुनका जानकार विज्ञसँग राय लिने तयारी रहेको जनाइएको छ। 

सचेतकहरुलाई आफ्नो दलको आधिकारिक धारणसहित उपस्थित हुन भनिएको छ।