केन्द्रिय समिति बैठकमा सभापत देउवाले भने– ममाथि ज्यान लिने उद्देश्यले सांघातिक हमला भयो (पूर्णपाठ)

काठमाडौं, असोज २८ : जेनजी आन्दोलनका नाममा आफ्नै नवासमा सांघातिक आक्रमणमा परेका नेपाली कांग्रेसका सभापति शेरबहादुर देउवा पहिलोपटक सार्वजनिक भएका छन्। 

देउवाले मंगलबार पार्टी केन्द्रीय कार्यसमिति बैठकलाई सम्वोधन गरे । सम्वोधनकाक्रममा पूर्वप्रधानमन्त्रीसमेत रहेका सभापति देउवाले गत भदौ २४ गते आफूमाथि ज्यान लिने उद्देश्यले सांघातिक हमला भएको बताए। 

उनले आफू बाँचेर केन्द्रीय समिति बैठकमा आएको पनि बताए । उनले त्यो आक्रमणलाई लिएर वैचारिक अडान लिने व्यक्तिको जीवनमा आरोह, अवरोह आइरहने र यसलाई आफुले सहज रूपमा लिएको बताए। 

देउवाले बूढानीलकण्ठस्थित निवासमा पैसा जल्दै गरेको भनिएको भिडिओ फेक भएकोसमेत बताए । उनले देउवाले आफ्नो कार्यकालमा केही कमजोरी, त्रुटि भएको पनि बताए । उनले देशलाई घात हुने काम नगरेको पनि बताए।