राष्ट्रपतिको आह्वानमा शितलनिवासमा सर्वदलीय बैठक 

काठमाडौं, असोज २३ : राष्ट्रपति रामचन्द्र पौडेलको आह्वानमा शितलनिवासमा सर्वदलीय बैठक सुरु भएको छ।

बैठकमा प्रधानमन्त्री सुशीला कार्कीसहित सरकारका मन्त्रीहरु पनि उपस्थित छन्। बैठकमा आगामी फागुन २१ गते तय गरिएको निर्वाचनबारे छलफल चलिरहेको बताइएको छ। 

बैठकमा नेपाली कांग्रेसबाट उपसभापति पूर्णबहादुर खड्का र महामन्त्री गगन थापा, नेकपा एमालेबाट बरिष्ठ उपाध्यक्ष ईश्वर पोखरेल र महासचिव शंकर पोखरेल, नेकपा माओवादी केन्द्रबाट नारायणकाजी र वर्षमान पुन, रास्वपाबाट कार्यवाहक सभापति डीपी अर्याल र सहमहामन्त्री विपिनकुमार आचार्य, राप्रपाबाट ज्ञानेन्द्र शाही र बिना लामा, एकीकृत समाजवादीबाट बरिष्ठ उपाध्यक्ष राजेन्द्र पाण्डे र महासचिव घनश्याम भुसाल, जनमत पार्टीबाट सीके राउत सहभागि छन्। 

सरकारका तर्फबाट प्रधानमन्त्री कार्कीसहित मन्त्रीहरु रामेश्वर खनाल, कुलमान घिसिङ, ओमप्रकाश आर्याल र जगदीश खरेल सहभागी भएका छन्।